Avión, 3 de decembro de 2008. O pasado venres 28 de novembro o Concello de Avión acordou por unanimidade declarar Espazo Natural de Interese Local (ENIL) a área do río Couso que está ameazada pola construción dunha minicentral. A proposta foi feita a instancias de ADEGA e da veciñanza da parroquia de Amiudal, ten como obxectivo protexer tanto o val do río Couso como unha histórica levada que está construida alomenos dende hai 100 anos.

 

O Carballiño 1 de Setembro de 2008. ADEGA e “Matar por matar,NON” veñen denunciar a política, depredadora co territorio e desleal cós veciños, da alcaldía de Maside así como a complicidade coa do Carballiño e coa Xunta de Galicia en prexuízo dos intereses dos seus veciños.

Carballiño 29 de Agosto de 2008. ADEGA-O Carballiño,denunciou no dia de onte ante a Garda Civil do Carballiño diversas actuacións das empresas que constrúen o enlace coa autoestrada Ourense–Dozón, á altura de Listanco. Por mor dos movementos de terras estanse producindo importantes danos no rio Listanco,afluente do Barbantiño.Non se fan balsas de decantación ,polo que os lodos discurren libremente rio abaixo causando a destrucción da flora e da fauna piscícola.

O Carballiño 30 de Xullo de 2008. A Declaración de Impacto Ambiental dunha nova minicentral no Río Couso no Concello de Avión acaba de ser recentemente aprobada polo Ministerio de Medio Ambiente (foi publicado no BOE do 14 de Xullo de 2008). A zona afectada polo proxecto corresponde ao treito augas arriba da aldea de Pascais e dispón dunha interesante vexetación de ribeira sendo unha zona bastante virxe.