Menu Content/Inhalt
INICIO arrow Pacifismo
Pacifismo
"Esta asociación, ademais, preocupada polos riscos da militarización da sociedade e do territorio, propiciará o estudo e a conscienciación da populación ante as ameazas á Paz Mundial e as consecuencias da carreira de armamentos."
Coa introdución, en 1984, deste parágrafo no Título I dos seus Estatutos, a organización ecoloxista ADEGA, legalizada en 1976, integrou o pacifismo no seu ideario.

Eran tempos de mobilización contra a OTAN e a carreira de armamentos. Desde aquela, a Asociación para a Defensa Ecolóxica de Galiza non deixou de apostar pola construción da paz: a meio da nonviolencia, apoiando a un movimento antimilitarista que logrou pór fin ao Servizo Militar Obrigatorio no Estado español, mobilizándose contra a Guerra do Golfo, opóndose tanto á OTAN como a Milosevic, rexeitando os bombardeamentos do Afganistán, denunciando a guerra de ocupación do Iraque, denunciando a invasión do Líbano e o terrorismo, respaldando a Obxección Fiscal aos Gastos Militares…

Máis de vinte anos despois, ADEGA mantén vivo o seu compromiso ecopacifista e desexa reforzar o seu traballo neste campo, a situación do mundo non é para menos.

Hoxe o planeta xa non está dominado pola Guerra Fría, senon polo resultado do desenlace desta cunha vitoria da versión capitalista do industrialismo: a globalización neoliberal, un sistema ecoloxicamente insustentábel construído sobre a extensión da inxustiza social, a degradación da democracia e o recrudecimento de políticas represivas, militarista e belicistas, unha opción apresentada como a única posíbel.

A alternativa ecopacifista é a da procura dunha saída emancipatória á actual crise ecolóxica global, dunha superación do actual sistema baseada na construción dun mundo ecoloxicamente sustentábel e socialmente xusto no que podermos (con)viver en paz, humanos e non-humanos de hoxe e de mañá. Ese outro mundo, para alén de desexábel, si é posíbel: está na nosa mao.

QUE FACER?

Con pequenos actos aparentemente insignificantes, desde o noso día a día, estamos xa a mudar o mundo, mais… cara onde? A alternativa ao modo de vida que levou o planeta ao seu actual estado, pasa polo desenvolvemento de hábitos favorecedores da sustentabilidade ecolóxica, a xustiza social e a cultura de paz:

* Practica o consumo responsábel (non consumista, de produtos locais, de comercio xusto e/ou produción biolóxica, na procura do máximo aforro enerxético e do residuo cero…)


* Exerce como cidadá(n) libre, recorre á non violencia e á desobediencia civil (presiona a gobernos e empresas, participa, organízate, mobilízate, fai Obxección Fiscal aos Gastos Militares…);


faixa.jpg
No Estado español os gastos militares para 2005 son de 15.695 millons de euros, 43 millons de euros diários.
recuperardoninos.jpg
ADEGA desenvolveu accións para se opor ao campo de tiro do exército en Doniños (Ferrol), que afecta unha zona de grande valor ecolóxico
pegatina.jpg
O ataque criminal ao Iraq e a última mostra da maridaxe entre guerras e resultados económicos das empresas transnacionais
bandeira_paz_adega.jpg
Recentemente, ADEGA celebrou os 20 anos de ecopacifismo galego


Impacto medioambiental da guerra: outra forma de violencia contra os pobos. Imprimir E-mail

A primeira guerra do Golfo nos anos 90 e 91 tivo un impacto ambiental desmedido sobre o territorio de Kuwait así como nas augas do Golfo pérsico. Calcúlase que máis do 90% da superficie desértica de Kuwait está seriamente impactada polas actividades militares polo que os procesos de desertificación vense gravemente acelerados; neste senso, hai que considerar que é un erro conceptual considerar os desertos como lugares completamente baleiros de vida; antes ben, conteñen hábitats de extraordinario interese e moi delicados que acollen unha interesante vida vexetal e animal e son o soporte da supervivencia dos pobos que viven no deserto.

Manifesto da Coordenadora Galega pola Paz en relación á Gerra do Iraque Imprimir E-mail
A Coordinadora Galega pola Paz, formada por numerosas organizacións da nosa sociedade civil (partidos políticos da oposición, centrais sindicais, ONGs, asociacións profesionais, estudiantís, da mocidade, ecoloxistas, pacifistas, humanitarias, de crentes, feministas, fundacións...) convocante en Galicia das multitudinarias mobilizacións pola paz mundial e contra da guerra de Iraq, quere hoxe reiterar algunhas das cuestións máis relevantes en relación con este conflicto e coa paz e coa seguridade no mundo, particularmente, no que se refire á división internacional, do Consello de Seguridade e da propia Asemblea Xeral de Nacións Unidas ou da Unión Europea sobre a reconstrucción e a devolución da soberanía ó pobo iraquí.
24 de maio: Día da Muller Antimilitarista Imprimir E-mail

-"Non deveria haver nengunha muller no exército. Saquemos dali aos homes."-  Petra K. Kelly

designed by www.madeyourweb.com
ADEGA