| Concurso fotográfico "Agresións ás augas continentais galegas" |
|
|
 13 de novembro de 2008. Como primeira actividade da nova CAMPAÑA POLA DEFENSA DOS RÍOS GALEGOS, ADEGA organiza un concurso fotográfico para porlle cara ás agresións que sofren as nosas augas continentais. A participación está aberta até o 12 de xuño de 2009. Baixa o díptico coas
 BASES (0,6 MB) do concurso, apóntate, colle a cámara e móllate polos nosos ríos!BASES DO CONCURSO 1ª. TEMA / OBXECTO DAS FOTOGRAFÍAS • Desastres en augas continentais de Galicia (ríos lagoas,...). • Efectos de actividades humanas que degraden a calidade destas augas e/ou que afecten directamente ao contorno dos ríos e masas de auga doce. 2ª. ÁMBITO TERRITORIAL As fotografías presentadas deberán estar tomadas nalgún punto da xeografía de Galicia. 3ª. PARTICIPANTES Poderá participar no concurso calquera persoa, afeccionada á fotografía ou que desexe denunciar por medio fotográfico calquera afección negativa ao medio acuático natural. 4ª. OBRAS E FORMA DE PRESENTACIÓN Cada participante poderá presentar un máximo de catro fotografías, en branco e negro e/ou en cor, desexabelmente en formato non inferior 18 x 24 cm. (por razóns de exposición posterior). Polo reverso de cada fotografía identificarase o seu autor -con nome, apelidos e teléfono de contacto-, así como a data e lugar en que foi tomada. A estes efectos, indicarase o nome do río/lagoa afectad@, así como o do lugar mais próximo e parroquia e concello ao que corresponde. Asimesmo, prégase a identificación das coordenadas xeográficas U.T.M. (poden ser obtidas mediante consulta do “Sistema de Información Xeográfica de parcelas agrícolas” –SIXPAC-, accesible na páxina web da Xunta de Galiza –http://www.xunta.es/visor-). As fotografías remitiranse por correo á Delegación de ADEGA-Lugo, sita en Ronda das Fontiñas, 180 entrechán B, 27002 LUGO, dentro dun sobre pechado, axeitadamente protexidas para evitar que se deterioren na súa manipulación e transporte. Opcionalmente, poderanse entregar en man nas oficinas de ADEGA–Lugo na dirección antedita, de luns a venres en horario de 10:00 a 14:00 e 17:00 a 20:00. Dentro do sobre introducirase tamén o compromiso de cesión ao que se refire a base 10 5ª. DATA LÍMITE DE PRESENTACIÓN As fotografías poderanse presentar ata o día 12 de xuño de 2009, inclusive. 6ª. XURADO O xurado estará composto por: • 1 representante da Consellería de Medio Ambiente. • 1 representante da Federación Galega de Pescadores. • 2 fotógrafos de recoñecido prestixio. • 2 membros de ADEGA. • 1 representante do deporte náutico galego. 7ª. VALORACIÓN Valoraranse especialmente as fotografías que expresen dun xeito mais nidio ou crú agresións ao medio acuático natural de Galicia. 8ª. FALLO O concurso resolverase dentro dun prazo de trinta días naturais contados dende a data límite de presentación. Organizarase un acto de entrega de premios e divulgación xeral do concurso, cuxa data e lugar será debidamente comunicada aos premiados e sociedade en xeral (entroutros medios a través da páxina web de ADEGA, http://www.adega.info). 9ª. PREMIOS Entregaranse cinco premios, a elixir polos premiados seguindo a orde do posto acadado, consistentes en: • artículos fotográficos (cámara dixital e outros). • estancia para 2 persoas 2 días no balneario de Lugo (tratamento completo). • lote de artículos deportivos. • produtos ecolóxicos (lacteos,…). • lote de publicacións medio ambiente. 10ª. USO DAS FOTOGRAFÍAS Para poder concursar, os participantes deberán ceder o uso das fotografías presentadas a ADEGA, que poderá utilizalas, citando ao seu autor, en calquera actividade relacionada cos seus fins (educación ambiental, denuncia administrativa, etc.). A tal efecto, cubrirán o |
| < Anterior | Seguinte > |
|---|
