Menu Content/Inhalt
INICIO arrow Novas arrow Novas de ADEGA-Costa da Morte arrow Xornada solidaria de voluntariado en Quilmas
Xornada solidaria de voluntariado en Quilmas Imprimir E-mail

coopquilmas.jpgEste vindeiro xoves día 19, convidámosvos a partillar unha xornada de traballo e convivio cos homes e mulleres da cooperativa de cultivo ecolóxico RAINHA LUPA, en Quilmas (Carnota). Coa nosa axuda solidaria, colaboraremos a poñer en valor unhas terras que pretende usurpar a ampliación da piscifatoría de Stolt (275.000 m2) prevista no Plano Acuícola. Alén, coñeceremos de primeira man as diversas alternativas de aproveitamento sustentábel postas en marcha pola brava veciñanza de Quilmas fronte á ameaza acuícola, razón pola que ADEGA concedeulle en 2008 o Premio Osíxeno.

Programa da xornada de voluntariado para a colaboración coa Cooperativa de Agricultura Ecolóxica "Raínha Lupa S.C.G" nas tarefas agrícolas propias da tempada.
 
DATA: xoves 19 de febreiro de 2009. Saída ás 9h dende o local de ADEGA en Compostela.
 
ORGANIZACIÓN: os homes e mulleres da cooperativa organizan e elaboran os xantares, para o que tamén ceden un local.
 
RESUMO DAS ACTIVIDADES: preparación dos terreos e plantación de froiteiras. Sementeira e repicado e plantación de verzas e outros vexetais de horta (chícharos, tirabeques, cebola, cenoria, allos, amorodos e espárragos). Plantación de sebes, elaboración dun argheiro e inventariado de sementes (banco de sementes).
< Anterior   Seguinte >
[ Voltar ]
designed by www.madeyourweb.com
ADEGA