| A canceira do Carballiño presenta un estado lamentábel e graves deficiencias na súa xestión |
|
|
 O Carballiño, 4 de xuño de 2008. A canceira do Carballiño mantén un estado lamentábel en canto á hixiene das instalacións e presenta numerosas deficiencias en canto a xestión e planificación. Estes son os resultados dun novo informe de ADEGA no que se pon de manifesto que as deficiencias son numerosas e os investimentos realizados non serviron para atallar e mudar esta situación. Informe completo:  Canceira Carballiño (619 KB)Entre as carencias flagrantes figuran a falta de hixiene e limpeza das instalacións que fai que existan depósitos de excrementos dos animais nas gaiolas e nas partes cubertas, falta de adecuacións das instalacións para a correcta realización do traballo por parte dos traballadores que atenden os animais.  Por non haber non hai nin auga corrente nin electricidade (da rede nin xerador) En definitiva unha situación absolutamente desastrosa que vai en detrimento da saúde dos animais e é impropia dun país desenvolto cun mínimo de conciencia no coidado e protección dos dereitos dos animais. |
| < Anterior | Seguinte > |
|---|
