 2 de maio de 2012. A segunda fase do “Proxecto de Creación dunha rede de Custodia fluvial nas bacías do Ulla Umia Lérez” xa está en marcha. Este proxecto é unha inciativa de ADEGA e está financiado con fondos LEADER polo FEADER, o Ministerio de Agricultura, Alimentación e Medio Ambiente e o AGADER. A primeira fase estivo centrada na divulgación da custodia fluvial e na creación de grupos de voluntariado. Foron estes grupos, a maioría pertencentes á asociacións dos concellos do GDR20 (A Estrada, Caldas de Reis, Catoira, Cerdedo, Cuntis, Forcarei, Moraña, Pontecesures, Portas e Valga) os que durante o 2011 saíron aos seus ríos para coñecelos e realizar accións de voluntariado e defensa ambiental. |
|
Ler máis...
|
|
|
 ADEGA está a organizar unha xuntaza para o día 15 de decembro (xoves) ás 17:00 no Centro Comarcal de Tabeirós-Terra de Montes (PO-841, s/n. Toedo - A Estrada).
Están convidadas a este evento todas as asociacións e entidades participantes no Proxecto de creación de unha rede de custodia fluvial nas cuncas do Ulla Umia e Lérez.
|
|
Ler máis...
|
 Comeza a nova temporada de inspeccións de río na comarca Tabeirós-Terra de montes. Os voluntarios e voluntarias do proxecto de Custodia Fluvial Umia Ulla Lérez farán saídas aos ríos durante este mes e o seguinte para comprobar o seu estado de saúde. |
|
Ler máis...
|
 O pasado mércores 4 de maio, varios representantes de asociacións acudiron á saída programada no concello da Estrada. Os participantes fixeron unha inspección do río Liñares para que se foran habituando á toma de datos, observación do hábitat e identificación de macroivertebrados. As asociacións que se achegaron á Estrada foron: Asociación pola defensa do Val do Liñares, Asociación A Xesteira , Asociación de mulleres rurais de Barreira (Rio Bo) e Asociación de veciños A Sobreira de Callobre. Do concello de Forcarei achegouse un representante da CMVMC de San Miguel de Presqueiras. Todas elas asinaron o compromiso de facer unha saída no seu río nos vindeiros días da campaña de primavera, algúns de eles incluso farán 3 inspeccións. |
|
Ler máis...
|
 Este pasado día 13 de abril comezaron as saídas de inspección de ríos do proxecto de custodia fluvial Ulla Umia Lérez.
O CPI Domingo Fontán do concello de Portas participou na primeira saída. Aproximadamente 30 rapaces e rapazas saíron ao río Chaín (conca do Ulla) para facer unha inspección. Foron acompañados/as por dúas educadoras ambientais de ADEGA, e comprobaron o estado de saúde deste pequeno río medindo a calidade hidromorfolóxica, físico-química e biolóxica.
|
|
Ler máis...
|
 O venres 25 de marzo, presentouse ante os medios de comunicación o Proxecto de custodia fluvial Ulla, Umia, Lérez no centro Comarcal de A Estrada. O programa de actividades terá unha duración de 18 meses e se desenvolverá nos dez concellos que forma parte do Grupo de Desenvolvemento Rural (GDR) Ulla, Umia, Lérez. A presentación fíxose a cargo de Anxo Ascariz, xerente do GDR, Virxinia Rodríguez, presidenta de ADEGA, e Lucía Parente, coordinadora do Proxecto de Custodia Fluvial Ulla Umia Lerez. O proxecto GDR pretende promover nas dúas comarcas (Caldas e Tabeirós-Terra de Montes), tras facer nunha primeira fase unha diagnose do estado de saúde dos ríos, actividades de custodia fluvial (recuperación de camiños e marxes degradadas, limpezas de ribeira, plantación de árbores autóctonas, restauración de muíños e lavadoiros, etc.).
|
|
Ler máis...
|
|
|
|
|
<< Inicio < Anterior 1 2 Seguinte > Final >>
|
|
Páxina 1 de 2 |
Novas de custodia fluvial
Subscribir a fonte RSS